Mae Rhun ap Iorwerth yn parhau i bwyso ar Lywodraeth Cymru a’r DU i weithredu a gwirdroi’r penderfyniad i gau canolfan brawf HGV yng Nghaernarfon, sy’n bygwth bywoliaeth nifer o fusnesau ledled gogledd-orllewin Cymru.
Cododd Aelod Cynulliad Plaid Cymru dros Ynys Môn Rhun ap Iorwerth bryderon gyda Llywodraeth Cymru yn uniongyrchol yr wythnos hon.
Welsh Gov. must ensure the decision to close the HGV test centre in Caernarfon is overturned.
Businesses in Ynys Môn – and across the north-west of Wales – cannot afford to lose it.
?FULL VIDEOhttps://t.co/IkW6QduU3u pic.twitter.com/MO5j4ZwRG9
— Rhun ap Iorwerth (@RhunapIorwerth) February 26, 2020
Ymatebodd Gweinidog Economi a Thrafnidiaeth Llywodraeth Cymru, Ken Skates AC, i gwestiwn Mr ap Iorwerth, gan amlinellu ei fod wedi holi am eglurhad ar gynigion yr Adran Drafnidiaeth, ond anogodd AC Plaid Cymru ar i Lywodraeth Cymru ‘fynd ymhellach na hynny’, gan ychwanegu:
‘Ym mis Awst y llynedd, yn dilyn pryderon a godwyd gyda mi gan fy etholwr, Huw Williams, sy’n hyfforddi gyrwyr HGV ar Ynys Môn, ysgrifennais at y DVSA, gan dynnu sylw at y ffaith fod diffyg gallu yng Nghaernarfon.
‘Yr hyn yr oedd cwmnïau fel Huw Williams’ wedi’i ddarganfod yw na allent gael digon o slotiau yn y ganolfan yng Nghaernarfon er mwyn profi’r bobl hynny yr oeddent yn eu hyfforddi. Mae hynny’n dweud wrthyf fod angen i ni dyfu a chryfhau’r ganolfan, ac fel y gallwch ddychmygu felly, roedd fy siom yn fawr wrth glywed mai’r bwriad bellach yw cau’r ganolfan brawf.
‘Roedd awgrym y byddent yn ceisio safle arall yng Nghaernarfon, ar ôl cau’r safle presennol. Nid dyna sut y dylid gwneud pethau. Os yw’r DVSA yn cytuno bod angen canolfan yng Nghaernarfon, yna mae’n rhaid iddynt ddod o hyd i safle newydd yng Nghaernarfon neu yn yr ardal honno nawr, nid ar ôl cau’r ganolfan.
‘Rhaid i Lywodraeth Cymru wneud popeth o fewn ei gallu i annog Llywodraeth y DU i newid y penderfyniad hwn, oherwydd ni allwn fforddio colli’r ganolfan honno.’