Gallai triniaeth gynharach o achosion posib fod wedi achub cannoedd o fywydau

Ysgrifennodd Mr ap Iorwerth at y Gweinidog Iechyd ym mis Mawrth ac ym mis Ebrill, gan annog Llywodraeth Cymru i hyrwyddo defnydd profion ocsigen yn y gwaed a’r defnydd o gymorth CPAP ar gyfer anadlu, fel ffordd o ganfod Covid-19 yn gynnar mewn pobl sydd â symptomau perthnasol, a darparu triniaeth yn gynt er mwyn osgoi’r angen am gymorth anadlu gofal dwys. Dangosodd tystiolaeth cynnar y gallai hyn achub bywydau a chymryd pwysau oddi ar y GIG.

Dywedodd fod Gweinidogion yn “frawychus o araf” wrth ddiweddaru’r canllawiau ar gyfer gweithwyr iechyd proffesiynol a’i bod yn bosib bod deufis o ddiffyg gweithredu rhwng yr ohebiaeth, a’r newid yn yr ymagwedd wedi arwain at ganlyniadau trychinebus.

Bellach, dros bedwar mis yn ddiweddarach, mae Llywodraeth Cymru wedi cyhoeddi datganiad yn amlygu manteision yr ymyrraeth cynharach hwn ac yn addo adnoddau newydd i gyflwyno’r dull newydd hwn.

Dywedodd Rhun ap Iorwerth MS, Gweinidog Iechyd cysgodol Plaid Cymru,

“Mae tystiolaeth rhyngwladol wedi amlygu’n gyson y gallai ymyrryd yn gynharach, drwy ddefnyddio ocsimetrau pwls, peiriannau CPAP a phrofion lefel ocsigen gwaed, arwain at ganlyniadau gwell mewn achosion positif Covid-19.

“Mae Plaid Cymru, ar sawl achlysur dros gyfnod o fisoedd, wedi gofyn i Lywodraeth Cymru fabwysiadu’r dull meddygol hwn – mewn gohebiaeth gyda’r Gweinidog Iechyd, yn ystod cwestiynau yn y Senedd, ac yn y cyfarfodydd grŵp craidd Covid gyda Llywodraeth Cymru.

“Ond maent wedi bod yn frawychus o araf o ran ymateb, gan arwain at fisoedd o ddiffyg gweithredu rhwng yr ohebiaeth a’r newid yn yr ymagwedd ac oedi pellach o 2 fis cyn hysbysu’r Senedd a’r cyhoedd. Gall yr oedi hwn fod wedi costio llawer o fywydau. ”

Wrth ymateb i arweinydd Plaid Cymru Adam Price MS yng nghyfarfod rhithwir y Senedd heddiw, dywedodd y Prif Weinidog fod y GIG rhy brysur yn ymateb i’r pandemig ar y pryd, ond dywedodd Rhun ap Iorwerth MS:

“Pwrpas ein hymyrraeth, a’n annogaeth i adnabod a thrin hypoxia distaw yn gynnar, oedd er mwyn tynnu’r pwysau oddi ar y GIG, a sicrhau bod modd trin mwy o gleifion heb yr angen am gymorth anadlu gofal dwys, lle mae’r siawns o oroesi yn cael ei leihau’n sylweddol.”

Ychwanegodd:

“Mae’n amlwg bod angen i Weinidogion ystyried elfennau o ddiffyg gweithredu yn ystod y pandemig. Mae’n hanfodol bod Llywodraeth Cymru yn gweithredu’n gyflym ac yn bendant os ydym am ymateb yn well i’r ail don na’r cyntaf.

“Dyna pam y mae’n rhaid i’r Llywodraeth gyhoeddi amserlen fanwl ar gyfer yr ymchwiliad i’r pandemig yng Nghymru – ymchwiliad y mae eisoes wedi ymrwymo iddo – heb unrhyw oedi pellach.”

Rhun ap Iorwerth yn galw ar Lywodraeth Cymru i gyfyngu ar deithio nad yw’n hanfodol i fannau problemus Covid yn Lloegr

Wrth i’r gwaith o godi cyfyngiadau cloi gael ei oedi ledled Lloegr, a bod cyfyngiadau pellach wedi’u gosod ar ardal fawr o ogledd orllewin Lloegr, mae Plaid Cymru wedi galw ar Brif Weinidog Cymru i ddilyn arweiniad yr Alban a chyfyngu ar deithio nad yw’n hanfodol rhwng mannau problemus Covid Lloegr a Cymru.

Bydd cyfyngu ar yr holl deithio ond hanfodol rhwng Cymru ac ardaloedd dan glo Lloegr, gan gynnwys ardal Manceinion Fwyaf, yn dod ag eglurder i bawb, ac yn helpu i gynyddu diogelwch y cyhoedd.

Ychwanegodd Gweinidog Iechyd Cysgodol Plaid Cymru, Rhun ap Iorwerth AS,

“Mae goblygiadau uniongyrchol i ardaloedd fel Ynys Môn a gogledd Cymru o ganlyniad i’r cyfyngiadau cloi newydd sydd ar waith yng ngogledd Lloegr. Mae angen arweiniad a chyfathrebu clir arnom gan Lywodraeth Cymru ynghylch y newidiadau ymddygiad sydd eu hangen ar deithio, cymdeithasu y tu mewn, a masgiau er enghraifft.

“Rhaid i bobl feddwl yn ofalus iawn am ba mor angenrheidiol yw eu teithiau rhwng ein dau ranbarth ar hyn o bryd, er mwyn sicrhau bod pethau’n cael eu rheoli.”

Mae angen lais i y Sector Gofal gael ei glywed, meddai Rhun ap Iorwerth

Dylid cael “llais” penodol ar gyfer y sector gofal o fewn Llywodraeth Cymru, meddai Plaid Cymru. Cefnogir yr alwad hon gan bennaeth cartref gofal a gollodd 21 o drigolion i COVID-19, ac sy’n dweud bod strwythur y gwasanaeth gofal yn “amlwg o aneffeithiol, astrus a gwastraffus.”

Ategir y galwadau hyn gan Gweinidog Cysgodol Iechyd Plaid Cymru, Rhun ap Iorwerth AS, sydd wedi galw am gydraddoldeb rhwng y sectorau iechyd a gofal cymdeithasol.

Mae Plaid Cymru yn galw am gadarnhau atebolrwydd dros y sector drwy swyddog penodedig yn y Llywodraeth sy’n bennaf gyfrifol am sicrhau bod llais y sector gofal yn cael ei glywed, ac am fwy o atebolrwydd gwleidyddol. O dan y system bresennol, Dirprwy Weinidog yw’r person sy’n gyfrifol am ofal cymdeithasol.

Meddai Rhun ap Iorwerth AS, Gweinidog Cysgodol Iechyd Plaid Cymru:

“Mae’r pandemig hwn wedi dangos yn glir fod y sector gofal wedi cael ei esgeuluso am ormod o amser. Dw i am roi cydraddoldeb i’r ddau sector hynny – iechyd a gofal – ac yn wir mae Plaid Cymru eisiau sefydlu gwasanaeth iechyd a gofal cenedlaethol yn Nghymru.

“Ond dylai’r Llywodraeth geisio llenwi’r bwlch sy’n bodoli lle nad yw gofal yn cael y llais sydd ei angen arno wrth galon gweinyddiaeth y Llywodraeth. Mae Prif Weithredwr y GIG ac y phrif swyddog meddygol wedi bod yn ffigurau amlwg dros y misoedd diwethaf. Mae arnom angen rhywun o statws cyfatebol sy’n gyfrifol am sicrhau nad yw’r sector gofal yn mynd yn angof mewn unrhyw ffordd eto.”

Meddai Brian Rosenberg, Cadeirydd Tregwilym Lodge Ltd:

“Mae’n ffaith bod y strwythur a’r system bresennol o ddarparu’r gyllideb gofal a darparu gwasanaethau gofal i bobl sydd fwyaf agored i niwed yn y gymuned wedi’u torri’n gyfan gwbl ers amser hir.

“Mae Covid-19 wedi amlygu methiannau llwyr y strwythurau trafferthus ac anhylaw sydd ar waith ar hyn o bryd. Mae methiannau yn y broses o reoli PPE, newidiadau mewn Cyfarwyddebau gan Lywodraeth Cymru mewn perthynas â phrofion ysbyty, derbyniadau a gollyngiadau o ysbytai a pholisau eraill wedi arwain at lawer o farwolaethau diangen – gyda 21 yn Tregwilym Lodge yn unig!

“Er ei bod yn amlwg bod buddsoddi mewn gweithwyr sector cyhoeddus i’w groesawu, mae’n siom enfawr bod y Llywodraeth yn parhau i anwybyddu gofal cymdeithasol. Mae’r cyfyngiadau parhaus ar gyllid gofal cymdeithasol yn golygu ei fod yn parhau i fod yn sector gyda cyflog isel. Fel sector sy’n gofalu am drigolion sydd â lefelau uchel o gymhlethdod a aciwtedd mae angen llwybr gyrfaol cryf a llais ar y lefel uchaf.

“Gallai unrhyw un sy’n edrych ar y strwythur hwn weld pa mor aneffeithiol, cymhleth a gwastraffus yw e.”

Mae angen amserlen i adfer Gwasanaethau Gofal Sylfaenol yng Nghaergybi ar frys, meddai Rhun ap Iorwerth

Mae Aelod Plaid Cymru o Senedd Ynys Mon Rhun ap Iorwerth wedi galw am weithredu ar frys wrth i bryderon barhau ynglŷn â gofal sylfaenol yn ardal Caergybi.

Gyda meddygfeydd Cambria a Longford Road wedi cael eu cymryd drosodd gan y Bwrdd Iechyd yn ddiweddar oherwydd cwymp yn eu gwasanaethau, deellir bod prinder meddygon teulu a staff allweddol eraill yn achosi problemau ym meddygfa arall y dref hefyd.

Mae Mr ap Iorwerth wedi parhau i fod mewn cysylltiad rheolaidd â’r Bwrdd Iechyd ac wedi bod yn pwyso am greu Canolfan Iechyd newydd o’r radd flaenaf ar gyfer y dref a’r ardal gyfagos. Mae wedi gofyn am ystyried hen safle Woolworths, fel safle a allai fod yn hygyrch i bawb ac a allai ddod â bywiogrwydd i ganol y dref hefyd.

Mae yna gynlluniau hefyd i uno meddygfeydd Cambria a Longford Road yn ffurfiol, yn ystod y misoedd nesaf, gyda gwasanaethau i’w lledaenu dros y ddau safle, ond mae’r AS wedi ysgrifennu at Gadeirydd BCUHB yn gofyn pa gamau brys a gymerir nawr i adfer gwasanaethau fel ei bod ar lefel dderbyniol.

Dywedodd Rhun ap Iorwerth AS:

“Mae’r problemau sy’n wynebu gofal sylfaenol yng Nghaergybi yn hysbys iawn, ac rydw i wedi bod yn ymgyrchu dros weithredu i sicrhau bod gwasanaethau iechyd yn y dref yn cael eu hailadeiladu a’u bod unwaith eto’n fwy addas at y diben. Mae angen canolfan iechyd fodern a chynaliadwy newydd gyda staff arnom. Ond yr hyn sy’n fy mhryderu yw ei bod yn ymddangos bod y sefyllfa’n gwaethygu, ac nid yn gwella.

“Mae’r pandemig presennol yn gwaethygu’r broblem, ac yn ei gwneud hi’n anoddach dod o hyd i atebion, ond mae angen gweithredu ar frys. Wrth ysgrifennu at Gadeirydd y bwrdd iechyd, rwyf wedi tynnu sylw at un achos penodol o ŵr bonheddig oedrannus ble mae ei iechyd corfforol a meddyliol yn dirywio trwy fethu â gallu i drefnu apwyntiad wyneb yn wyneb i gael adolygu ei feddyginiaethau.

“Mae angen amserlen glir arnom gan y Bwrdd Iechyd sy’n nodi pa gamau maen nhw’n eu cymryd i adfer darpariaeth gofal sylfaenol llawn yng Nghaergybi, ac rydyn ni ei angen ar frys.”

Oedi gyda chanlyniadau profion ‘yn tanseilio diogelwch a hyder y cyhoedd’ meddai Rhun ap Iorwerth

Wrth ymateb i’r newyddion bod cyfyngiadau cloi pellach wedi’u lleddfu yng Nghymru, mae Gweinidog Iechyd Cysgodol Plaid Cymru, Rhun ap Iorwerth AS wedi dweud bod rhaid i Lywodraeth Cymru profi ei gallu i ddelio ag achosion Newydd o Covid-19 – neu fentro colli hyder y cyhoedd.

Mae’r ffigurau a ryddhawyd yr wythnos hon yn dangos bod bron i dri chwarter canlyniadau’r profion Covid-19 wedi cymryd hirach na 24 awr.

Dywedodd Gweinidog Iechyd Cysgodol Plaid Cymru, Rhun ap Iorwerth AS:

“Rydyn ni i gyd eisiau cael ein rhyddid yn ôl yn raddol, ond mae angen i fecanwaith gadarn gyd-fynd ag unrhyw leddfu cyfyngiadau i gael gwared ar achosion o goronafirws.

“Nid yw’r amser aros am ganlyniadau profion yn fy llenwi â hyder y bydd Llywodraeth Cymru yn gallu ymateb yn gyflym i achosion newydd, o ystyried bod tri chwarter y profion o ganolfannau profi rhanbarthol yn cymryd mwy na 24 awr i ddychwelyd.

“Mae’r achosion diweddar yn Wrecsam yn rybudd ein bod yn dal i fyw gyda bygythiad Covid-19 real iawn, a bod angen cyfundrefnau cadarn i nodi a chlampio clystyrau lleol. Mae hyn yn hanfodol fel y gallwn osgoi effaith economaidd a chymdeithasol gorfod gorfodi rheolau llym o’r newydd.”

Mae angen rhyddhau cynlluniau Addysg Nyrsio “ar frys”

Mae Gweinidog Iechyd Cysgodol Plaid Cymru, Rhun ap Iorwerth MS, wedi galw am ryddhau cynllun manwl ar leoedd addysg nyrsio yng Nghymru ar frys, ac i’r cynlluniau ddangos arwyddion clir bod gwersi wedi’u dysgu o brofiad COVID-19.

Dywed Mr ap Iorwerth “er gwaethaf addewidion” gan Lywodraeth Cymru Llafur am strategaeth gweithlu newydd, a sefydlu corff newydd i oruchwylio addysg y gweithlu, dywed nad oes “llawer o dystiolaeth bod problemau hanesyddol yn cael eu rhoi y tu ôl i ni.” Wedi’i sefydlu ym mis Hydref 2018, mae Addysg a Gwella Iechyd Cymru (HEIW) yn goruchwylio addysg y gweithlu gofal iechyd yng Nghymru.

Tra datblygwyd cynlluniau addysg nyrsio cyn y pandemig, mae Mr ap Iorwerth yn deall bod y rhain yn cael eu hailweithio, ond dywed “ofnir nes bydd y gwaith hwnnw wedi gorffen, y bydd penderfyniadau ar staffio ac addysg yn parhau i ddigwydd mewn modd ad-hoc heb unrhyw strategaeth go iawn.”

Yn benodol, mae pryderon ynghylch nyrsio ym meysydd plant, iechyd meddwl, anabledd dysgu a nyrsio ardal, sydd wedi gweld diffygion o’r blaen.

Dywedodd Rhun ap Iorwerth MS, Gweinidog Iechyd Cysgodol Plaid Cymru:

“Mae cyhoeddi Ffigurau Comisiynu ar gyfer lleoliadau addysg nyrsio yn rhan bwysig o gylch cynllunio’r gweithlu. Mae angen i’r cynllun fod yn addas at y diben, mae angen iddo fod yn fanwl, ac mae angen ei gyflawni ar frys.

“Fodd bynnag, er gwaethaf addewidion o strategaeth gweithlu newydd Llywodraeth Cymru, a sefydlu corff newydd i oruchwylio materion y gweithlu ac addysg – Addysg a Gwella Iechyd Cymru – nid oes llawer o dystiolaeth bod problemau hanesyddol yn cael eu rhoi y tu ôl i ni.

“Yn benodol, mae angen i ni wybod bod meysydd sydd wedi dioddef o ddiffygion yn ystod y blynyddoedd diwethaf wedi’u targedu. Mae’r rhain yn cynnwys hyfforddi nyrsys plant, iechyd meddwl ac anabledd dysgu a hefyd mwy o nyrsys ardal.

“Nid yw ein gwasanaethau GIG a gofal cystal â’r staff sy’n gweithio ynddynt yn unig. Nawr yw’r amser ar gyfer strategaeth go iawn ar addysg nyrsys, sy’n cynnwys creu digon o leoedd hyfforddi mewn meysydd allweddol. Mae angen i’r byrddau iechyd hefyd roi’r amser i nyrsys barhau â’u haddysg, sydd yn ei dro yn eu helpu i ddatblygu eu gyrfaoedd a sicrhau bod yr holl arbenigeddau’n cael eu llenwi.

“Hyd nes y bydd y gwaith hwnnw wedi’i orffen, bydd penderfyniadau ar staffio ac addysg yn parhau i ddigwydd mewn modd ad-hoc heb unrhyw strategaeth go iawn, a bydd hynny er anfantais i nyrsys Cymru ac, yn y pen draw, i’w cleifion.”

“Gwneud gorchuddion yn orfodol mewn siopau” meddai Plaid wrth i fasgiau gael eu gwneud yn orfodol ar drafnidiaeth gyhoeddus yng Nghymru

Rhaid i Lywodraeth Cymru roi’r gorau i “lusgo ar ôl” a dilyn tystiolaeth wyddonol gyfredol ar orchuddion wynebau meddai Rhun ap Iorwerth MS, Gweinidog Iechyd Cysgodol Plaid Cymru

Dylai Llywodraeth Cymru “gofleidio” tystiolaeth wyddonol a gwneud masgiau’n orfodol mewn siopau, meddai Gweinidog Iechyd Cysgodol Plaid Cymru, Rhun ap Iorwerth MS.

Er bod gorchuddion wyneb bellach yn orfodol ar drafnidiaeth gyhoeddus yng Nghymru, nid oes unrhyw ofyniad o hyd i’w defnyddio mewn unrhyw fannau cyhoeddus eraill.

Yr wythnos diwethaf, ymunodd Lloegr â’r Alban i wneud gorchuddion wyneb yn orfodol mewn siopau.

Dywedodd Gweinidog Iechyd Cysgodol Plaid Cymru, Rhun ap Iorwerth AS, fod penderfyniadau Llywodraeth Cymru dros orchuddion wyneb yn “gwrth-ddweud y dull gofalus maen nhw wedi bod yn ei ddilyn tan nawr”.

Ychwanegodd Gweinidog Iechyd Cysgodol Plaid Cymru, gyda chyngor gan WHO, llywydd y Gymdeithas Frenhinol, a nifer o gyhoeddiadau gwyddonol gan gynnwys o Brifysgolion Rhydychen a Washington, wedi bod yn eglur ynghylch effeithiolrwydd gorchuddion wyneb wrth atal lledaenu covid-19.

Dywedodd Gweinidog Iechyd Cysgodol Plaid Cymru, Rhun ap Iorwerth AS:

“Mae gwir angen i Lywodraeth Cymru ddiweddaru ei pholisi ar orchuddion wyneb a chofleidio’r cyngor gwyddonol diweddaraf sy’n awgrymu y gall wneud gwahaniaeth gwirioneddol wrth leihau trosglwyddiad y firws. Yn lle hynny, maen nhw ar ei hôl hi.

“Mae eu hamharodrwydd i wneud hynny yn gwrth-ddweud y dull pwyllog y mae wedi bod yn ei ddilyn tan, ac yn blwmp ac yn blaen yn rhoi mwy o berygl i’w ddinasyddion.

“Rhaid i Lywodraeth Cymru ddilyn y cyngor ysgubol o ffynonellau ar frys gan gynnwys Sefydliad Iechyd y Byd, llywydd y Gymdeithas Frenhinol, amryw gyhoeddiadau gan gynnwys o Brifysgolion Rhydychen a Washington, a llawer, llawer mwy.”

“Dylid croesawu popeth sy’n helpu i frwydro yn erbyn y risgiau. Rydym yn gweld o gynnydd diweddar mewn achosion yn ardal Wrecsam, er enghraifft, bod y risgiau o drosglwyddo uwch yn dal i fod yn bresennol i raddau helaeth.”

Mae angen mwy o Gymorth Gofal Plant ar gyfer Gweithwyr Allweddol yr haf hwn, meddai Rhun ap Iorwerth

Mae Rhun ap Iorwerth, Aelod Seneddol Ynys Môn, wedi mynegi pryder bod llawer o weithwyr allweddol yn cael trafferth gyda gofal plant dros yr haf ac yn galw ar Lywodraeth Cymru i ailystyried ei phenderfyniad i beidio ag ariannu gofal haf yn llawn.

Mae llawer o rieni sy’n weithwyr allweddol – yn enwedig yn y sector iechyd a gofal – wedi cysylltu â Mr ap Iorwerth yn dilyn y penderfyniad i beidio â pharhau hybiau gofal plant Covid-19 ledled Cymru, sy’n golygu eu bod yn wynebu materion gofal plant munud olaf a annisgwyl.

Mae llawer wedi canfod bod gwasanaethau gwarchod plant arferol eisoes yn llawn ac mae llawer o neiniau a theidiau yn dal i gysgodi, yn gadael opsiynau cyfyngedig i rieni, ond dim ond i blant gweithwyr allweddol y bydd Cynllun Cymorth Gofal Plant Coronavirus (C-CAS) yn cael ei ddarparu yn ystod gwyliau’r haf, ar gyfer plant yn bump oed, a phlant bregus.

Dywedodd Rhun ap Iorwerth, MS dros Ynys Môn:

“Mae rhieni’n dweud wrthyf fod y penderfyniad i beidio ag ariannu gofal plant ar gyfer gweithwyr allweddol dros yr haf wedi eu gadael ‘yn y lurch’. Ar gyfer y gweithwyr allweddol hynny nad oes ganddynt opsiynau gofal plant amgen, maent yn dweud wrthyf eu bod yn gorfod ystyried rhoi’r gorau i weithio.

“Mae llawer fel arfer yn dibynnu ar neiniau a theidiau neu deuluoedd estynedig, ond erbyn hyn maent mewn sefyllfa lle mae neiniau a theidiau yn dal i gysgodi, ac mae eu teulu a’u ffrindiau eisoes wedi ffurfio cartrefi estynedig eraill.

“Rwyf wedi bod mewn cysylltiad â Chyngor Ynys Môn ac maent yn amlwg yn rhwystredig, ar ôl rhoi cynllun manwl ar waith i ddarparu gofal plant i weithwyr allweddol dros yr haf, bod penderfyniad munud olaf gan Lywodraeth Cymru i beidio â’i ariannu yn golygu na ellid cyflawni’r cynlluniau bellach.

“Rwyf hefyd wedi ysgrifennu at Lywodraeth Cymru, yn gofyn iddynt ailystyried y penderfyniad ar frys, neu o leiaf adolygu’r rheolau ar aelwydydd estynedig fel bod gan weithwyr allweddol fwy o opsiynau gofal plant.”

Esboniodd un rhiant, Clare Mcmullen, Nyrs o Gaergybi, y bydd y penderfyniad i beidio â pharhau â’r Cynllun Cymorth Gofal Plant yn cael effaith sylweddol ar ei theulu.

“Mae’r diffyg gofal ar gael yn broblem fawr i mi a fy nheulu. Ni allaf gymryd mwy o wyliau blynyddol, a dydi ysgolion ddim yn agor tan ganol mis Medi, bydd angen mwy o ofal plant nag arfer arnaf.

“Fy unig opsiwn fyddai i’m plant fynd i aelwyd wahanol bob shifft rwy’n gweithio – rhai dyddiau a allai fod gyda pherthnasau sy’n cysgodi, a diwrnodau eraill gyda gweithwyr allweddol sy’n gweithio ar wardiau COVID-19 ar hyn o bryd. Nid wyf am greu’r math hwnnw o risg i iechyd.

“O’r dechrau, rwyf wedi bod yn ymwybodol iawn bod fy rôl fel nyrs yn peryglu fy mhlant, ac eto nid wyf erioed wedi petruso cyn ei wneud. Ond nawr mae angen rhywfaint o help arnaf.“

Dylai Gweithwyr Gofal fod “ar yr un telerau” a’u cymheiriaid Iechyd

Ymateb Rhun ap Iorwerth MS i gyhoeddiad y rhoddir codiad cyflog o 2.8% i feddygon a deintyddion yng Nghymru

“Rwy’n falch bod hwn yn setliad cyflog gweddus i feddygon, deintyddion ac eraill yn y GIG sydd wedi rhoi cymaint yn ystod y pandemig hwn. Fodd bynnag, mae Plaid Cymru am weld pawb ar draws y sector iechyd a gofal yn cael cydnabyddiaeth briodol am eu hymroddiad a’u gofal, ac mae hynny’n cynnwys rhoi gweithwyr gofal ar yr un telerau â staff iechyd – a hynny mewn un gwasanaeth iechyd a gofal integredig i Gymru.”